Pack 20: Livro Cubismo + Lâmina + Pôster

Colabora com este Pack 20, un pack ideal para colorear ou pintar!

Precisamos da tua colaboraçom para sacar adiante este projeto.

Apresentamos-che o Pack 20: Livro Cubismo + Lâmina + Pôster. Criamos estes packs especiais para impulsar a pré-venda do nosso primeiro livro para colorear e apreender sobre cubismo, da coleçom: EU NAS VANGUARDAS.

Este pack inclui:

• Livro Cubismo: o primeiro dos cinco livros da coleçom raposeira: EU NAS VANGUARDAS. Nesta ediçom recolhem-se 12 obras cubistas de homes e mulheres que destacárom neste movimento artístico do cubismo. Autores como: Luís Seoane, Pablo Picasso, María Blanchard, Georges Braque, Marevna, Diego Rivera, Dorrit Black e Juan Gris.
• Lâmina para colorear de 32×46 cm. Poderás colorear ou pintar umha das obras cubistas ilustradas no livro. Papel de 300gr, resistente e apto para tintas.
• Pôster de 32x46cm. Terás umha cópia de umha das ilustraçons que podes atopar no livro.

Dentro do livro poderás atopar, numha página umha ilustraçom da obra original, com a que poderás apreender dados sobre cada obra e sobre o seu autor; e na página seguinte umha versom da obra cubista em branco com linhas pretas para que coloreies ou pintes a tua própria versom do quadro. Ao final do livro, poderás fazer atividades extras para reforçar as tuas habilidades artísticas sobre o cubismo.

8 artistas + 12 obras = 36 páginas cheias de cor, informaçom e arte.

Um livro para colorear, pintar e apreender recomendado para:

• Especialmente desenhado para crianças de 8 a 12 anos de idade, que sentem curiosidade polo mundo da arte. Umha oportunidade de conhecer de um modo didático e divertido, os referentes do cubismo e as súas obras mais relevantes.

Também está altamente recomendado para:

• Adultos com altas doses de juventude e que queiram descubrir ao artista que levam dentro.
• Pessoas que gustom de relaxar-se com um livro para colorear ou pintar (arte-terapia).
• Pessoas de qualquer idade que queiram pasá-lo bem um anaco lendo, coloreando ou pintando!

Podes COLOREAR

• As suas páginas estám preparadas para os teus lápis de cores ou ceras.

Podes PINTAR

• Sim! As páginas som resistentes às aquarelas, têmperas e rotuladores. Nom te preocupes, as tintas nom traspassam às seguintes páginas!

Podes APREENDER

• Os textos fôrom redigidos pensando em crianças de 8 a 12 anos. Trata-se de umha informaçom mui seletiva e relevante, podes apreender sobre o movimento artístico do cubismo, dados curiosos sobre as obras ou dos seus autores. Nas derradeiras páginas atoparás umhas atividades para pôr em prática a realizaçom da tua própria natureza-morta ou retrato e que o firmes como um artista.